看過《清明上河圖》又如何？

有人不以為然地問：看過《清明上河圖》又如何？

即使只是5分鐘，看過《清明上河圖》好重要，因為看過就是看過。

將來你同人講《清明上河圖》講到口水花都噴時，你心安、理得、氣壯，唔怕人將你一軍，問你其實睇過真蹟未！

以前我是經濟研究員，上頭話要探討「山卡啦」市場的潛力，我必然會話，你先派我去當地考察考察一番。如果上頭話我不過想去遊埠，我必定會義正詞嚴地反駁，寫一本「山卡啦」市場報告，然後開記者招待會發布，如果去都未去過，心必虛，錯必出，影响「發謬局」形象就唔好啦。

講起心虛，我有一次難忘經驗。話說日韓舉辦世界杯其間，有位南韓記者想訪問敞局關於舉辦大型活動對推廣經濟和形象的作用。我是球迷一名，對假大空話題又自命有把握，於是粉墨登場，而表現又的確令自己歎為觀止！

訪問完成後，散場前閒聊幾句。記者忽然問，你去過南韓旅遊未？

我這人正直不呵，差點答：未。

但轉念一想，剛才以專家身份，講到口水花都噴，儼然江湖百曉生，如果答「未」，如何下台？

心靈掙扎0.5秒後，我氣定神閒地答：梗係去過，然後送他出門。自此，總覺得我的華衣有條刺！

所以話，看過《清明上河圖》真蹟好重要。

我 未 看 過 。